Shkëndija e tretë

Shkëndija e tretë

Fara e keqe kacavirret, ndërsa fara e mirë lulëzon. E para ngrihet shumë shpejt përpjetë, por rrënjët i ka të cekëta. Sikur ta bëjë këtë veç për ti marrë dritën dhe oksigjenin nga bima e hajrit që po rritet ngadalë. Pema e hajrit nuk ngutet në rritje, don më shumë të lëshojë rrënjë të thella dhe toka e ngrohtë butësisht ia hap zemrën e saj.
Kur ne ta shohim nga larg shkëlqimin e pemës së keqe na duket pompoze. Por ajo nuk ka kërcell, edhe rrënjët i ka të imta aq sa kërcellin. Ajo nuk ka fuqi ta përballojë erën dhe furtunën, as diellin e verës..
Nga ana tjetër pema e mirë e përballon ndryshimin e motit, nuk e ka frikë furtunën. Ajo rritet pak nga pak, forcohet nga era dhe shiu. As gjembat e pemës së keqe nuk e pengojnë rritjen e saj të natyrshme..